مودی نے لندن حملے پر تھریسا سے بات چیت کی، تعزیت کا اظہار

وزیر اعظم نریندر مودی نے لندن حملے کے دو دن بعد آج برطانیہ کی وزیر اعظم تھریسا مے سے ٹیلی فون پر بات چیت کی اور حملے کے متاثرین کے ساتھ "گہری تعزیت" کا اظہار کیا۔وزیر اعظم کے دفتر کے ایک ٹویٹ میں کہا گیا، "وزیر اعظم نے برطانیہ کی وزیراعظم تھیریسامے سے بات چیت



میں لندن کے دہشت گردانہ حملے کے متاثرین کے ساتھ ہمدردی کا اظہار کیا اور دکھ کی اس گھڑی میں ہندستان کی جانب سے یکجہتی ظاہر کی۔مسٹر مودی نے کل اس حملے میں لوگوں کے مارے جانے پر رنج و غم کا اظہار کرتے ہوئے کہا تھا کہ ہندوستان دہشت گردی کے خلاف جنگ میں برطانیہ کے ساتھ ہے۔